14 दिवसानंतर घरी परतणाऱ्यांचे वाढविले मनोबल

तळोदा: तालुक्यातील आमलाड येथे तयार करण्यात आलेल्या विलगिकर कक्षातुन 14 दिवसानंतर घरी जाण्याची परवानगी दिली.घरी सोडताना आरोग्य विभागाच्या कर्मचाऱ्यांनी त्याचे मनोधैर्य वाढविण्यासाठी टाळ्या वाजवून त्याला सलामी दिली.

       कोरोनाग्रस्त भागातून आलेल्या ९ जणांना आरोग्य विभागाच्या वतीने तयार करण्यात आलेल्या  तळोदा तालुक्यातील आमलाड येथील विलगिकरण कक्षात निगराणीत ठेवले होते.त्यापैकी आजपर्यंत ४ व्यक्तींना घरी सोडण्यात आलेआहे तर  ५ जण अद्याप विलीकरण कक्षात ठेवण्यात आले आहे.

          14 दिवसानंतर शनिवारी आज सकाळी ९ वाजता आरोग्य विभागाच्या परवानगीने एका तरुणास घरी पाठवण्यात आले. त्यांचे मनोधैर्य वाढवण्यासाठी रुग्णालयातून बाहेर पडताच तेथील कर्मचाऱ्यांनी टाळ्या वाजवून त्यांना सलामी दिली.आरोग्य विभागाच्या कर्मचाऱ्यांच्या या कृतीचे सर्वत्र कौतुक होत आहे.