शहिदी समागम हिंद दी चादर निमित्त कन्या विद्यालयात विविध कार्यक्रमांचे आयोजन

प्रतिनिधी तळोदा:--(किरण पाटील)

शहिदी समागम हिंद दी चादर निमित्त कन्या विद्यालयात विविध कार्यक्रमांचे आयोजन

 शहरातील गुलाबबाई दुल्लभ राजकुळे कन्या विद्यालय येथे शहिदी समागम निमित्त विविध शैक्षणिक व सांस्कृतिक कार्यक्रमांचे आयोजन उत्साहात करण्यात आले. कार्यक्रम गटशिक्षणाधिकारी मा. शेखर धनगर यांच्या अध्यक्षतेखाली पार पडला.

कार्यक्रमाची सुरुवात मान्यवरांच्या हस्ते दीपप्रज्वलन करून व गुरु तेग बहादुर यांच्या प्रतिमेचे पूजन करून करण्यात आले . यानंतर विद्यार्थिनींनी सादर केलेल्या भक्तीगीतांनी वातावरण भक्तिमय झाले.

या निमित्ताने आयोजित वक्तृत्व स्पर्धेत तब्बल ३० विद्यार्थिनींनी सहभाग नोंदवून कार्यक्रमाची शोभा वाढवली. तसेच निबंध स्पर्धेलाही विद्यार्थिनींचा उत्स्फूर्त प्रतिसाद लाभला. विद्यार्थिनींनी शहिदी समागमाचे ऐतिहासिक व सामाजिक महत्त्व आपल्या भाषणातून प्रभावीपणे मांडले.

कार्यक्रमास देवमोगरा विद्या प्रसारक मंडळाचे अध्यक्ष चेतनदादा पवार, समन्वयक निमेश सूर्यवंशी, विद्यालयाचे मुख्याध्यापक मिलिंद धोदरे , तसेच संचालक महेश मगरे आदी मान्यवर उपस्थित होते. यावेळी गटशिक्षणाधिकारी शेखर धनगर यांनी कन्या विद्यालयात होत असलेल्या विविध स्तुत्य उपक्रमांचे कौतुक केले. कार्यक्रमास दिलीप तडवी, भाग्यश्री सागर, दिनेश मराठे, आकाश टवाळे, ज्योती महाजन, अनिल मगरे, सुदाम माळी, धनराज केदार, हिरालाल पाडवी आदींसह विद्यार्थिनी मोठ्या संख्येने उपस्थित होत्या.कार्यक्रमाचे सूत्रसंचालन श्रीमती वैशाली देवरे यांनी केले, तर आभार प्रदर्शन योगेश पाटील यांनी मानले.

शहिदी समागमाच्या निमित्ताने विद्यार्थिनींमध्ये देशभक्ती, त्याग आणि धर्मनिष्ठेची प्रेरणा जागृत झाल्याचे चित्र यावेळी पाहायला मिळाले.