स्वातंत्र दिनी ध्वजारोहण नवीन इमारतीच्या आवारात; नगराध्यक्ष अजय परदेशी
कोरोना विषाणूच्या प्रादुर्भावाच्या पार्श्वभूमीवर राज्यातील महा- नगरपालिका, नगर परिषदा, नगर पंचायती यांच्या सर्व बैठका व्हिडिओ कॉन्फरन्स द्वारे घ्यावेत असे आदेश नगर विकास विभागाकडून देण्यात आले आहेत. त्या अनुषंगाने नगरपालिकेची तहकूब झालेली व समस्त शहरवासीयांचे लक्ष लागून असलेली सर्वसाधारण सभा बुधवारी दुपारी 11 वाजता ऑनलाइन पद्धतीने व्हिडिओ कॉन्फरन्सद्वारे घेण्यात आली. या सभेत बायो डीझल गॅस व खान्देशी गल्लीत समोरील मुतारी हे विषय स्थगित ठेवण्यात आले आहेत, तर एक बियर बारचा ठराव मंजूर करत सर्व विषयांवर चर्चा होऊन 54 विषय पैकी 52 विषय मंजूर करण्यात आले. सुरुवातीला 1 ते 5 विषय घेऊन त्यावर मते मांडण्यास सांगितले त्यानंतर साधारणतः 43 विषयापावेतो अश्याच पद्धतीने विषय मंजूर झालेत
44, क्रमांकाचा बायोडिझेल या विषयावर सत्ताधाऱ्यांनी विरोध दर्शविला तर त्या विषयावर काँग्रेस तटस्थ राहिली. तर 47 क्रमांक असलेला मुतारी हलविण्याचा विषय स्थगित ठेवण्यात आला.
बायोगॅस डिझेलसह इतर काही महत्वपूर्ण विषयांमुळे सदर सभा मागील वेळी रद्द होऊन तणावाची परिस्थिती निर्माण झाली होती. त्यानंतर सदर सभा कधी होईल याकडे सर्वांचे लक्ष लागले होते. सध्याही हा विषय स्थगित ठेवण्यात आला आहे. सदर विषय कोंग्रेस नगरसेवकांशी संबंधित असल्याने भाजपा मधील एक गट कडुन यास विरोध दर्शविण्यात आला आहे. या सभेस नगराध्यक्ष अजय परदेशी, उपनगराध्यक्ष भाग्यश्री चौधरी, नगरसेवक रामानंद ठाकरे, बेबीबाई पाडवी, भास्कर मराठे, शोभा बाई भोई, अमोन्नोद्दीन शेख, अंबिका शेंडे, सुरेश पाडवी, सविता पाडवी, योगेश पाडवी, सुनयना उदासी, स्वीकृत नगरसेवक हेमलाल मगरे, संजय माळी, गौरव वाणी, सुभाष चौधरी, हितेंद्र क्षत्रिय, अनिता परदेशी, कल्पना पाडवी, स्वीकृत नगरसेवक जितेंद्र सुर्यवंशी आदीजन ऑनलाइन सभेत सहभागी झाले. सभेचे कामकाज मुख्यधिकारी सपना वसावा यांच्या मार्गदर्शनाने संगणक तज्ञ सचिन पाटील यांनी काम पाहिले. या सभेला सर्वाना आवाज व्यवस्थित यावा व चित्र स्पष्ट दिसावे या करिता मुख्यधिकारी यांचा दालनात प्रोजेक्टर लावून भीतीवर मोठे चित्र करून संवाद साधण्यात आला आवाज व्यवस्थित यावा म्हणून स्पीकरची सोय करण्यात आली होती,
*कनेक्टिव्हिटीची समस्या व ऑनलाइन सभेचा पूर्वानुभव नसल्याने गोंधळ* :
कोरोना कालावधीत व्हिडीओ कॉन्फरन्सद्वारे सभा घेण्याचे आदेश असल्याने ऑनलाइन सभेला प्राधान्य देण्यात आले. मात्र यासाठी लागणारी पूर्वतयारी व अभ्यास पालिका प्रशासन व नगरसेवक दोघांना नसल्याने अनेक नगरसेवक एकाच वेळी संवाद साधताना दिसून आलेत. यासोबतच कनेक्टिव्हिटी समस्यां असल्याने नगरसेवकांच्या मते अस्पष्ट ऐकू येत होते. त्यामुळे या सभेत गोंधळ उडत होता. यासोबतच शिस्त व संयमाने एकापाठोपाठ प्रत्यकाने स्वयंमशिस्तीने मते जाणून घेऊन प्रतिक्रिया दिल्या असत्या तर सभेत गोंधळ झाला नसता. परिणामी केवळ 45 मिनिटात सभा उरकण्यात आली...
*चौकट*
सभेनंतर लोकनियुक्त नगराध्यक्ष अजय परदेशी यांच्याशी संपर्क केला असता त्यांनी सांगितले की तळोदा पालिका नवीन जागेत स्थलांतर बाबतीत काम वेगात सुरू आहेत. त्या दृष्टीने येणाऱ्या १५ आगस्ट ला स्वतंत्र दिनी ध्वजारोहण नवीन इमारत आवारात होणार आहे, तसेच पूढील काळात उदघाटन साठी वरिष्ठ स्तरावर बोलणी सुरू आहे.
*महत्वाचे विषय*-
सर्वसाधारण सभेत आदिवासी सांस्कृतिक भवनचा निधीस वाढीव मुदत वाढ, तळोदा पालिका हद्दीतील रिकाम्या जागेवर बगीचा व सुशोभीकरण करणे नवीन बांधकाम करणयात आलेल्या गाळ्यांचे अधिमूल्य सध्याचा बाजार भाव नुसार ठरविणे विविध चोकात शिल्प बसविणे अश्या विकास काम सोबतच स्थानिक आमदार निधीतून काही विकास कामे व गटारी, काँक्रीटकरणं इत्यादी काम मंजूर करण्यात आले आहेत......
Comments
Post a Comment