तळोदा पालिकेची रद्द झालेली वादग्रस्त सभा उद्या व्हिडीओ कॉन्फरसं वर परत होणार,,,,

तळोदा =  कालीचरण सूर्यवंशी

तळोदा पालिकेची  वादग्रस्त विषयवरून रद्द झालेली सर्व साधारण सभा पुन्हा होत असून विशेष म्हणजे कोरोना पार्श्वभूमीवर हि सभा व्हिडीओ कॉन्फरसं द्वारे उद्या  होणार आहे,

                   तळोदा शहरातील विविध विकास कामाचा निर्णय  घेण्यासाठी  दीड महिन्यांपूर्वी सर्व साधारण सभेचे आयोजन करण्यात आले होते मात्र काही विषयावर वाद होऊन तणाव निर्माण होण्याची शकत्या पाहता सभा रद्द करण्यात आली होती, त्यामुळं आता परत हि सभा घेण्यात येत आहे,

झूम ऐपवर होणार सभा--

नवीन आदेश काढत सर्व नगरसेवकाना या बाबत अजेंठा पाठविण्यात आला असून सर्वाना झुम ऐप डाऊनलोड करण्यासाठी सूचित करण्यात आले आहे,

कोरोना विषाणूच्या प्रादुर्भावाच्या पार्श्वभूमीवर राज्यातील महानगरपालिका,नगर परिषदा,नगर पंचायती यांच्या सर्व बैठका आता व्हिडिओ कॉन्फरन्स द्वारे घ्यावेत असे आदेश नगर विकास विभागाने दिले आहेत.त्यामुळे तळोदा  नगरपालिकेची तहकूब झालेली व समस्त शहरवासीयांचे लक्ष लागून असलेली सर्वसाधारण सभा आता व्हिडिओ कॉन्फरन्सिंगद्वारे उद्या होत असून आता या सभेत कोणत्या विषयवार वाद होतात ? की सभा शांततेत पार पडते आता उत्सुकता निर्माण झाली आहे. 

             कोरोना विषाणू पार्श्वभूमीवर शासनाने राज्यातील महानगरपालिका,नगर परिषदा,नगर पंचायती यांनी त्यांच्या सर्वसाधारण सभा तसेच विविध विषयांच्या नियतकालिक सभाबाबत त्यांच्या स्तरावर निर्णय घ्यावा, असे शासनाने निर्गमित केलेल्या 3 एप्रिलच्या पत्रान्वये कळविण्यात आले होते.आता निरयामध्ये बदल करत covid-19,कोरोना विषाणू संक्रमणाच्या पार्श्वभूमीवर शासनाकडून सामाजिक अंतर व अनुषंगिक मार्गदर्शक सूचना वेळोवेळी निर्गमित केलेल्या संबंधित महानगरपालिका नगर परिषदा नगर पंचायती अधिनियमातील तरतुदीनुसार नागरी स्थानिक स्वराज्य संस्थांनी त्यांच्या सभा बैठका घेणे बंधनकारक आहे. त्यामुळे अनुषंगाने पुढील आदेश होईपर्यंत नागरी स्थानिक स्वराज्य संस्थांनी त्यांच्या सभा बैठका या नियमितपणे केवळ व्हीडिओ कॉन्फरन्सिंगद्वारे घ्याव्यात,असे निर्देश दिले आहेत.नगर विकास विभागाने राज्यातील सर्व विभागीय आयुक्त,सर्व महानगरपालिका आयुक्त,सर्व जिल्हाधिकारी व  सर्व नगरपरिषद, नगरपंचायत मुख्याधिकारी यांना नगर विकास विभागाचे उपसचिव कैलास बधान यांनी पत्र पाठवून याबाबत सूचित केले आहे.

      दरम्यान,या नव्या निर्देशामुळे तळोदा शहर वासीयांचे लक्ष लागून असलेली व बहुप्रतिक्षित तसेच तहकूब झालेली सर्वसाधारण सभा आता ऑनलाइन व्हिडीओ कॉन्फरन्सिंगद्वारे घ्यावी लागणार आहे.परंतू सभेतील वादग्रस्त विषय व ऑनलाइन सभा घेण्यासाठी येणाऱ्या तांत्रिक अडचणीत यामुळे नगरपालिका प्रशासनासमोर ऑनलाइन व्हिडिओ कॉन्फरन्सद्वारे बैठक घेणे हे नवे आव्हान ठरणार आहे.आता तळोदा पालिका प्रशासन ही बैठक व्हिडिओ कॉन्फरन्सिंगद्वारे कश्या प्रकारे घेणे किंवा तहकूब झालेली सभा यापुढे तहकूब राहू देते हे पाहणे, उत्सुकतेचे ठरणार आहे.

 पालिकेतील इतिहासात प्रथमच अशी सभा -

तळोदा नगर पालिकेच्या इतिहासात प्रथमच अशी  सभा होत असल्याने आता  कोणत्या विषयांवर  कोण काय मत मांडत  या कडे लक्ष लागून आहे, तलोदा पालिकेतील मागील सभा रद्द झाल्याने आता हि सभा कोणताही वाद न होता पार पडेल असे बोलले  जाते